Басты бет

Тәрбие бөлімі

Тәрбие жұмысы жөніндегі бөлім 2009 жылы колледждің тәрбие жұмысының жүйелілігін оқу үрдісімен тығыз байланыста қамтамасыз ету және колледждегі тәрбие жұмысын тәрбие және жастар саясаты саласындағы мемлекеттік саясаттың басым бағыттары негізінде жүзеге асыру және жетілдіру мақсатында құрылған.

Тәрбие бөлімі өз қызметін келесі бағыттар бойынша жүзеге асырады:

    • ҚР Президенті Н.Ә. Назарбаевтың жыл сайынғы Қазақстан халқына Жолдауларын және басқа да бағдарламалық құжаттарын насихаттау;
    • «Қазақстан 2020: болашаққа жол» Қазақстан Республикасы мемлекеттік жастар саясатының 2020 жылға дейінгі тұжырымдамасын негізге ала отырып, колледждің студеттік өзін-өзі басқару органдарының, студенттік кеңестер мен қоғамдық бірлестіктердің қызметін үйлестіру;
    • Студенттік өзін-өзі басқару ұйымдарының, студенттік қоғамдық ұйымдардың қызметін қолдау және дамыту;
    • Тұлғаның әлеуметтік, мәдени, рухани дамуы мен дене шынықтыруына ықпал ететін тәрбиелік (патриоттық, мәдени-бұқаралық, қоғамдық, спорттық) іс-шараларды ұйымдастыру, өткізу;
    • Мәдени-көпшілік және мерекелік іс-шараларының жоспарын әзірлеу және олардың жүзеге асырылуына жағдай жасау;
    • Студенттермен жеке тәрбие жұмысын жүргізуде кураторлар мен оқытушылардың рөлін арттыру;
    • Тәрбие жұмысын ұйымдастыруда колледж кафедраларына әдістемелік және практикалық көмек көрсету;
    • Оқумен, тұрмыспен, бос уақытпен, т.б. байланысты мәселелерді шешу мақсатында колледж басшылығының студенттермен кездесулерін тұрақты түрде ұйымдастыру;
    • Білім алушылар арасында құқық бұзушылықтың алдын алуға бағытталған жұмыстарды жүзеге асыру;
    • Студенттер жатақханасында тәрбие жұмысын ұйымдастыру;
    • Білім алушылардың мәдени ой-өрісінің кеңеюіне, жоғары моральдық қасиеттері мен эстетикалық талғамының қалыптасуына ықпал ету;
    • Колледждің имидждік саясатын жүзеге асыруға қатысу.
    • Студенттердің бос уақыттарындағы қызығушылықтары мен сұраныстарын зерттеу;
    • Студенттерді қоғам, мәдениет қайраткерлерімен, белгілі ғалымдармен кездесулер ұйымдастырып, дөңгелек үстелдер, тақырыптық және шығармашылық кештер өткізу.

Омарова Нургул Тлегенова
Жезқазған Бизнес және көлік колледжі
директорының Тәрбие ісі жөніндегі орынбасары

тел.: +7 (705) 221 73 72
e-mail: tarbie_zhkbit@mail.ru
1 корпус, 2 қабат «Тәрбие бөлімі».



1 сентября – День знаний

В стране 1 сентября всегда начинался новый учебный год, этот день стал официальным праздником — Днем знаний.

Этот праздник является волнующим и запоминающимся для всех обучающихся, их родителей, преподавателей, подчеркивает важность образования. Вот и у нас в колледже прошло торжественное мероприятие, посвященное началу учебного года.


Оқу жылының алғашқы күнінен бастап жақсы іс-шаралар өз бастауын тапты. Қазақ тілі мен әдебиеті пәнінің ұстазы Айжан Қомарқызы мен ШПМ-201 тобының ұйымдастыруымнен «Саналы ұрпақ- жарқын болашақ»  атты ашық тәрбие сағаты өтті.  Ұлағатты ұстаз,  ардақты әже,  аяулы ана,  қалалық «Ақ әжелер»  ансамблінің мүшесі Шынар Рахатқызы мен Мемлекеттік «Дарын»  жастар сыйлығының лауреаты, «Ұшқан ұям-Ұлытау» кітабының авторы Мұқағали Сейтқазы қонақта болып,  білгендерімен бөлісті.  Әлемнің екінші ұстазы Әл-Фарабидің «Тәрбиесіз берілген білім- адамзаттың қас жауы»  екендігін айтты.  Студенттерге біліммен бірге жақсы тәрбие беруді мақсат еткен оқу-орнымыздың бұл тәрбие сағаты да жақсылыққа бастайтынына сенеміз!


Құқықтану мамандығы ПВ-203- ПВ-101 топтарының студенттері 10.09.19 күні мамандықтары бойынша жұмыстармен танысу үшін Жезқазған қалалық сотына барды. Қызметкерлері сот залымен, қажетті мәліметтермен таныстырып, біраз ақпарат берді. Болашақ заңгер кеңесшілері өздері қалаған мамандық жайлы ақыл-кеңестерге құлақ түрді. Құқықтану пәнінің оқытушысы Оразбекова Салтанат Нариманқызы студенттердің білімін кеңейту үшін оларды қажетті орындарды көрсетуге атсалысты. Біз студенттердің болашағына сенім білдіреміз!


Бүгін колледж ауласына тазалық жұмыстары жүріп өтті. Бұл жұмысты ШПМ-101, ЭПС-101 топтары атқарды. Оқу-орнының ауласын, жан-жағындағы қоқыстардың бәрін жинастырып, қызу әрекет етті. Болашақ-жастардың қолында! Табиғаттың тазаруына сіз де үлес қосыңыз!


«ҰСТАЗ- ұлы тұлға». Білім шыңына жетелеп келе жатқан осынау қастерлі есімнің алдында бәріміз қарыздармыз. Ұстаздар күніне орай, ШПМ-301 тобы ұйымдастырған мерекелік іс-шара оқу-орнымызда өте жоғары деңгейде аталып өтті. Топ кураторы-Лаура Әбубәкірқызына үлкен алғыс айтамыз. Ұстаздардың жанын жадыратып, көңілін көтерген бір ұлы мейрам болды. Бүгінгі күн- ертеңгі тарих! Ұстаздарды тағы да шын жүректен құттықтаймыз❤ Еңбектеріңіздің зейнетін көру бұйырсын!


Қазыналы қарттар күніне орай, «Nur Otan» партиясы жанындағы @jasotan_zhezkazgan «Jas Otan» Жастар Қанаты мен «Жігер» Жастар Қозғалысы ұйымы белсенділері бірігіп, қалалық қарттар үйіне «Дария кеуде, тау мүсін,Қарттарым, аман-саумысың?» мерекелік бағдарламасымен құттықтап барды. Опу-201 тобы мен топ кураторы Түсіпбекова Гүлнұр Әбдіғанатқызына үлкен алғыс білдіреміз! Белсенділеріміз мерекелік көңіл күй сыйлап, үлкендердің батасын алды. Қарттарымызға сыйлықтар үлестіріп, игі іс жасады. «Jas Otan» ЖҚ төрағасы Абай Арыстанбекұлымен бірге әлі талай жақсылық жасаймыз деп сенеміз. Жыл басындағы жақсы істерді осы қарқында жалғастырамыз! Қарттарымыз аман болсын, жан жылуын сезіндіре білейік


Бүгін өскелең ұрпақтың арасында адалдық пен парасаттылық құндылықтарын дәріптеу, сыбайлас жемқорлыққа қарсы мәдениетті арттыру мақсатында колледжімізде білім беру саласындағы ардагерлердің қатысуымен «Адалдық сағаты» болып өтті. Ардагерлер студенттерімізге ақылдарын айтып, барынша рухани сусындатуға тырысты. Осындай ізгі іс-шаралардың бастамасы болады деп сенеміз!


«Жезқазған бизнес және көлік колледжі» ЖМ-де Жезқазған қаласының мәдениет және тілдер дамыту бөлімінің «Тілтану» оқу-әдістемелік орталығы КММ-нің ұйымдастыруымен ҚР Президентінің тапсырмасы бойынша жергілікті жерлерде жаңа әліпби және жаңа емле ережесін оқыту жоспарына сәйкес «Латын қарпінде жазып дағдыланайық» атты семинар-тренинг өтті. Тренинг-сабақты «Тілтану» оқу-әдістемелік орталығы КММ-нің латын графикасына көшу бойынша оқытушы, тренер Ошағанова Ақгүл өткізді. Аталған семинар-тренинг жаңа емле ережесінің жобасы таныстырылып, кейбір дыбыстарға, шет тілінен енген сөздердің жазылуына қатысты пікірлер тыңдалып, бірнеше тапсырмалар орындау арқылы латын графикасын жазуда кездесетін кедергілерді анықтау жұмыстары жүргізілді.
Қатысушылар өздерінің латын графикасына негізделген қазақ әліпбиін қолдайтындарына пікірлер айтты.


СҮЙІНШІ!
Бүгін колледжіміздің «Жігер» өзін-өзі басқару ұйымының жалынды жастары «Жемқорлықсыз болашақ» атауымен қалалық «Сыбайлас, жемқорлыққа жол жоқ» атты байқаудың бас жүлдесін және 45 мың ақшалай сыйақыны жеңіп алды! Жетекшіміз тәрбие бөлімінің меңгерушісі Нұргүл Тілегенқызының ұйымдастыруымен қаланың оқу-орындарынан шыққан 13 команданың ішінде үздік бейнеролик пен үздік көрініс көрсетіп, озып шыққан колледж белсенділерін шын жүректен құттықтаймыз! Қолдау көрсеткен директорымыз Светлана Серікбайқызы мен оқу-орнымызға үлкен алғыс білдіреміз!


«Жастар жылы» аясында ұйымдастырылған қалалық жайдарман ойындарының маусымашарынан біздің оқу-орнымыздан құралған «ЖКБИТ ЖАСТАРЫ» құрамасы 2 орын мен ақшалай сыйақыға ие болды. Және ең басты жүлде- Нұр-Сұлтан қаласында өтетін жайдарман ойынына жолдама ұтып алды! Жетекші және тапёр Нұрқаділ Заманбекке үлкен алғыс білдіреміз! Қолдаушы оқу-орнымызға және колледж басшылығына рақмет


колледжімізде оқу-орны директоры Светлана Серікбайқызының ұйымдастыруымен «Nur Otan» партиясының қатысуы арқылы «Менің туым- менің Отаным» атты акция болып өтті. Колледж құрылтайшысы Бекзат Қомарұлы, «Nur Otan» партиясының төрағасының бірінші орынбасары Гүлмира Изатуллақызы қатысты. Колледж студенттері бір адамдай ат салысып, патриоттық сезімдерін көрсетті. Өздерінің мемлекеттік рәміздерін қалай қастерлейтінін танытты. Мемлекеттік рәміздерді құрметтеу- біздің басты мақсатымыз!


13.11.2019 жылы колледжімізде «Біздің таңдау-ЖКБИТ» атты 1 курс студенттерін студент қатарына қабылдау кеші өтті. Биылғы оқу жылында 6 мамандық бойынша 7 топ, 158 студент оқуға қабылданып, қолдарына студенттік билет пен сынақ кітапшасын алды. Кеш өте жоғары деңгейде өтті. Барлық 1 курсқа сәттілік тілейміз❤ Ұйымдастырушы Әлия Зейнолқабденқызы мен Айжан Қомарқызы, «Жігер» өзін-өзі басқару ұйымына рақмет!


» 1 желтоқсан- бүкілдүниежүзілік Житс індетімен күресу күніне» орай «Сақтан ұрпақ СПИД деген қатерден» атты дөңгелек үстел басындағы ашық әңгімелесу болып өтті. Кездесуге Спидпен күресу орталығынан педагог мамандар, наркоқылмыспен күресу орталығынан полиция капитаны, ЗОЖ мамандары қатысты. Тәрбие бөлімінің ұйымдастыруымен өткен бұл шара студенттерге көп мәліметтер бере алды деп ойлаймыз. Өз денсаулығыңыз-өз қолыңызда!


2019 жылдың қорытындысы бойынша қаланың қоғамдық- саяси өміріне белсенді қатысқаны, жаңа қазақстандық қоғам құру ісіндегі жеке еңбегі және шығармалығы үшін колледжіміздің әлеуметтік педагогы Салтанат Наримановна қала әкімінің ҚҰРМЕТ ГРАМОТАСЫМЕН марапатталды! Табысты еңбек тілейміз! Құтты болсын


ҚР тәуелсіздік мерекесіне орай колледжімізде «Отбасы тағдыры-ел тағдыры» атты мерекелік концерт болды. Өте жоғары деңгейде аталып өтіп, қаламыздың ең дарынды, ең өнерлі оқушыларын жинап, сұқбат өткізді. Үлгілі әулет- қазақи отбасы Мусиндер әулеті қонаққа келді. Тәуелсіздігіміздің тұғыры әрқашан биік болғай! Туымыз көкте, елтаңбамыз биікте, әнұранымыз шырқау заңғарларда шырқалсын!


Қайырлы күн! Кеше колледжімізде оқытушылардың қатысуымен «Үздік топ жетекшісі» атты дөңгелек үстел болып өтті. Мақсаты: қазіргі қоғамдағы тәрбиенің рөлін арттыру, жалпы білім беру жүйесіндегі тәрбие үрдісін жетілдіру, тәрбие субъектілерінің құзырлығын дамыту. Дөңгелек үстел барысында колледждегі шығармашылықпен жұмыс істейтін топ жетекшілері анықталды. Осыған шейінгі «Үздік топ жетекшілері» : Байкенова М. С.-2013 жыл, Тусупбекова Г. А.-2014 жыл, Комарова А. К.-2015 жыл, Мусина Г. Г.-2018 жыл, Сулейменова А. З.-2019 жыл болса, 2019-2020 оқу жылының бірінші жарты жылдығындағы статистика бойынша «Үздік топ жетекшісі» — ағылшын тілі пәнінің жас маманы Оразбек Гүлдана Ерланқызы болды, әрине, тобы- Туризм-201 тобы. Барлық топ пен кураторын шын жүректен құттықтаймыз! Әрі қарай да жаңа жетістіктерге жете берулеріне тілекшіміз!